دیتا ہے خدا

دیتا ہے خدا بندے کو صدا، تو اور نہیں میں اور نہیں

بندے ہے تو میرا جلوہ نما، تو اور نہیں میں اور نہیں

جز میرے کسی کی حضوری نہیں، تجھ میں مجھ میں کوئی دوری نہیں

یہ وجود ترا ہے مرا پردہ، تو اور نہیں میں اور نہیں

یہ خاک تری ہے گھر میرا، یہ روح تری ہے امْر مرا

تو عشق مرا میں حسْن ترا، تو اور نہیں میں اور نہیں

ہر کوئی مجھے جو غیر کہے، آپس میں ہے ان جھگڑے بڑے

جو خودی سمجھا وہ بول اُٹھا، تو اور نہیں میں اور نہیں

مجھے دور کو خود سے کوئی سمجھا، دشمن ہے مرا وہ کیسا بڑا

تجھے اس سے بچا لوں سن تو ذرا، تو اور نہیں میں اور نہیں

تو نہ ہوتا کبھی شُنوا گویا میں سمیع ترا میں کلیم ترا

تیری آنکھوں میں ہے نور مرا، تو اور نہیں میں اور نہیں

یوں خواب میں تجھ میں سجاتا ہوں، تیری بند آنکھوں کو دکھاتا ہوں

میں بصیر ترا تو نظیر مرا، تو اور نہیں میں اور نہیں

ہر سانس میں اپنی پکار مجھے، یہ راز بتا ہی دوں گا تجھے

تو ذکر مرا، میں ترا چرچہ، تو اور نہیں میں اور نہیں

باتوں سے نہیں کچھ بھی حاصل، آ اب تو ذکی خود سے خود مل

پھر تو بھی کہے گا واہ رے وا، تو اور نہیں میں اور نہیں