دِکھا کے نورِ نظر انجمن سے نکلوں گا
میں اپنے خواب کے روشن چمن سے نکلوں گا
یہ تیز دھوپ مجھے کب تلک ڈرائے گی
اُٹھا کے رختِ سفر، کوہ و بن سے نکلوں گا
تمام شہر نے باندھی ہیں پاؤں میں زنجیر
میں اپنے عزم کے پختہ سخن سے نکلوں گا
جو موج خونِ رگِ جاں میں ڈوب کر اُبھری
اُسی کی تاب لیے پیرہن سے نکلوں گا
فرازِ دار پہ ہر سمت ظلمتوں کا حصار
مگر میں بوند سا بن کر گگن سے نکلوں گا
خدا نے چاہا تو اک روز ابر بن کر میں
برس کے دشتِ بلا و مِحَن سے نکلوں گا

0
2