| جو تھے اپنے، تمہارے ہوئے |
| دوستوں کے خسارے ہوئے |
| کاغذوں کےبیوپاری ہیں |
| کاغذوں کے ہیں مارے ہوئے |
| ہم کو کب مل سکے آج تک |
| بے بسی میں پکارے ہوئے |
| در بدر روشنی مانگتے |
| تیرگی میں اتارے ہوئے |
| لوگ ہوتے ہیں جاں سے قریں |
| خیر! تم کب ہمارے ہوئے |
| ہجر در ہجر یہ سلسلہ |
| لامکاں کے کنارے ہوئے |
| یاد اک آسرا آخری |
| ہم جو یادوں کو پیارے ہوئے |
| اب نظر ڈھونڈتی ہے تجھے |
| عشق مرگھٹ اتارے ہوئے |
| کھیل کب ہم نے کھیلا ہے یوں |
| کھیل ہیں سارے ہارے ہوئے |
| غیر سے ہم کو شکوہ ہے کیا |
| یار میرے ستارے ہوئے |
| لوگ تھے شبنمی شبنمی |
| لوگ کاشفؔ شرارے ہوئے |
معلومات