| یہ اوجِ فلک سے نظام آ گیا ہے |
| بلندی پہ ماہِ تمام آ گیا ہے |
| ہوا ذکر اونچا جہاں میں نبی کا |
| خدا سے جو اُن پر سلام آ گیا ہے |
| یوں احساں کیا ہے خدائی پہ رب نے |
| نبی اس میں خیر الانام آ گیا ہے |
| ہے ناز و ادا میں ہوائے مدینہ |
| مدینے میں عالی مقام آ گیا ہے |
| گھٹا طیبہ سے، کرم کی جو آئی |
| یوں مومن پہ احسانِ تام آ گیا ہے |
| حسیں نامِ دلبر لیا جب زباں نے |
| کرم ہے جو رب کا، وہ عام آ گیا ہے |
| حرم سے صنم سب رواں ہو گئے ہیں |
| زہے انبیا کا امام آ گیا ہے |
| اے محمود ظلمت رواں ہے جہاں سے |
| فروزاں جو ماہِ تمام آ گیا ہے |
معلومات