| وہ چاند چہرہ بھی اک آفتاب ہوتا تھا |
| ہمیشہ ہاتھ میں جس کے گلاب ہوتا تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اُسی گلاب سے چہرے کو ڈھونڈتا ہوں مَیں |
| کہ جس کے چہرے پہ کالا نقاب ہوتا تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کوئی فقیر یا درویش تھا وہ جو بھی تھا |
| وہ روز رستے میں میرے جناب ہوتا تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کُچھ اِس طرح سے وہ آتا تھا میرے سپنوں میں |
| سمجھتا تھا مَیں حقیقت وہ خواب ہوتا تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہمارے شعر میں ہوتی تھی داستانِ غم |
| ہمارے خواب میں جب بھی چناب ہوتا تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| شبِ فراق میں آتا تھا ایسا بھی لمحہ |
| اداسیوں سے ہوا کا خطاب ہوتا تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ٹھہر کے ہم کو بھی مانی یہ حُسن تکتا تھا |
| عروج پر کبھی اپنے شباب ہوتا تھا |
معلومات