| مبارک عید کی خوشی دعا کا استجاب ہو |
| قدم قدم ہو سرخرو تمہارا جب حساب ہو |
| تمہارے ساتھ عمر بھر رہیں جو کیں عبادتیں |
| علوم ہوں نصیب جن کی رہنما کتاب ہو |
| نگر نگر پھرے مگر کہیں ملا نہ وہ گہر |
| جو چندے آفتاب ہو جو چندے ماہ تاب ہو |
| جمال و حسنِ یار ہے جو چال میں وقار ہے |
| جو اس کے ساتھ تم چلو مصاحبِ نواب ہو |
| زمانے بھر کی نعمتیں خدا کرے تمہیں ملیں |
| قدم قدم دُعا تمھارے ساتھ بے حساب ہو |
| جہاں کہیں بھی تم رہو ہمیشہ یوں ہی خوش رہو |
| خدا کرے نصیب میں تمہارے آب و تاب ہو |
| چلے چلو جو رات ہے یہ کچھ دنوں کی بات ہے |
| کھلا ہوا ملے تمہیں جو رحمتوں کا باب ہو |
| رہیں بلند حوصلے بڑھا او علم اس قدر |
| سوال گر کرے کوئی جواب لاجواب ہو |
| اگر لبوں پہ ہو دُعا مرَض رہے نہ لا دوا |
| کوئی بھی ہو علاج میں تمہیں نہ اضطراب ہو |
| ترقّیاں تمہیں ملیں جہاں بھی روزگار ہو |
| جو کام حوصلے کا ہو تمہارا انتخاب ہو |
| تمہاری خدمتوں سے خوش تمہارا رہنُما رہے |
| ہے وقت بہترین جب کہ عالمِ شباب ہو |
معلومات