ہو نگاہِ لطف و کرم سدا ترا آدمی ہے لٹا ہوا

رہے آبرو مرے رہنما یہ ابھی ہے راہ بھلا ہوا

مرے دل میں آ کے سما زرا اسے مثلِ عرش بنا زرا

ترا جلوہ جلوہِ حق ہوا ترا نور نورِ خدا ہوا

وہ حرم ہو یا کہ صنم کدہ نظر آئے کیوں نہ وہ جا بجا

مجھے ذوقِ دیدہ وری شہا ترے آستاں سے عطا ہوا

مرے عشق کا مری زیست کا یہی واقعہ یہی ماجرا

ترا نام لے کے میں جی اٹھا ترے نام پر ہی فدا ہوا

مرے دل کا شوق یہی رہا مجھے دیکھ ایک نظر زرا

ترا رند ہے مرے ساقیا ترے مے کدے میں پڑا ہوا

تری چاہ نے وہ ستم کیا میں یونہی جہاں سے گزر گیا

ترے ہجر میں رہا مبتلا ترے درد سے نہ رہا ہوا

تری یاد دل میں رہی سدا کوئی غیر اس میں نہ آ سکا

میں نے دشت دیکھا چمن گیا تری ذات سے نہ جدا ہوا

میں تمام عمر یونہی رہا مرا زخمِ دل نہ کبھی بھرا

میں نے ہر ستم ہے ترا سہا ترا حق نہ پھر بھی ادا ہوا