| سینہ میں ہو ہر دم بسی آقا ؐ کی محبت |
| ویران ہے سینہ نہ ہو گر ان ؐ کی مودت |
| صدقہ میں ہمیں مل گئی فائق سی ہے عظمت |
| "نعمت ہے ہمارے لئے سرکار ؐ کی نسبت" |
| بن پائیں غلام شہ لولاک ؐ وہ سارے |
| نبیوں نے جتائی تھیں یہی مولیﷻ سے چاہت |
| ہے رتبہ بڑا امتی کا جان لیں ہم سب |
| ہے آج یہ موقع کہ سمجھ جائیں حقیقت |
| دانا ہے وہی موت کی تیاری جو کر لے |
| ہر آن اسے آپ ؐ کی پیاری رہے سیرت |
| سنت سے نہ اعراض کبھی برتیں گے ہرگز |
| محشر میں کریں گے سبھی ہم ورنہ ندامت |
| پیغام نبی ؐ اصل میں ناصؔر یہی پایا |
| انسان کو انسان بنانے کی ہو محنت |
معلومات