| مسلسل آزماتے ہو یہ تم اچھا نہیں کرتے |
| "خلش دل کی بڑھاتے ہو یہ تم اچھا نہیں کرتے" |
| سبھی شمعیں بجھاتے ہو یہ تم اچھا نہیں کرتے |
| اندھیرے کو بڑھاتے ہو یہ تم اچھا نہیں کرتے |
| چلا کر بغض و نفرت کی ہوا اے میڈیا والو! |
| محبت کو مٹاتے ہو یہ تم اچھا نہیں کرتے |
| حفاظت ہم نے کی ہر دور میں بھارت کی لیکن اب |
| ہمیں دشمن بتاتے ہو یہ تم اچھا نہیں کرتے |
| ہمیشہ آشیاں جس ڈال پر بھی ہم بناتے ہیں |
| وہیں بجلی گراتے ہو یہ تم اچھا نہیں کرتے |
| میاں ہم کھل کے کرتے ہیں محبت ہو کہ نفرت ہو |
| ہمیں لُچابتاتے ہو یہ تم اچھا نہیں کرتے |
| ہمارے دم سے پائی شان و شوکت تم نے لیکن اب |
| ہمیں آنکھیں دکھاتے ہو یہ تم اچھا نہیں کرتے |
| کبھی بھی جب کوئی اشعار میرے گنگناتا ہے |
| اسے خالؔد بلاتے ہو یہ تم اچھا نہیں کرتے |
معلومات