| ساتھ زرا سا چاہئے ہاتھ بڑھا کے دیجئے |
| دستِ ہنر میں جان ہے زادِ سفر ہے لیجئے |
| زخم ہرا بھرا رہے داغِ غلامِ عشق ہے |
| درد جگر کے واسطے کوئی دوا ہی کیجئے |
| دستِ طلب اٹھائے ہیں صبر و سکوں کے واسطے |
| ہم نے کہاں صدا یہ دی، "غم سے رہائی دیجئے" |
| کارِ طبیب ہے نہیں بس کہ دعائے بے نوا |
| ہجر گزیدہ تشنہ جاں زہرِ گماں ہی پیجئے |
| رقصِ خبر سے ماورا عکسِ نظر میں آئنہ |
| دل سے کہیں کہ یار کے در سے دعائیں لیجئے |
| بین کریں تو کیا کریں چاک ہوا ہے پیرہن |
| ایک نگاہ وصل کا ہجر پہ دم تو کیجئے |
| عمر ہے شؔیدا کاٹنی یوں جو سرابِ دشت میں |
| تشنہ لبی ہے جاں گسل دیدہ نمی ہے پیجئے |
معلومات