| کوئی تجھ کو بھی ہے ڈھونڈتا جوگیا |
| تو کہاں کھو گیا پاگلا جوگیا |
| جس کی ہے جستجو وہ تو ہے ہی نہیں |
| اب یہ ضد چھوڑ دے مان جا جوگیا |
| زخمِ جاں مشکلوں سے بھرا تھا مرا |
| تو نے کیوں مجھ کو پھر چھو لیا جوگیا |
| وہ جو مجھ میں کوئی شخص تھا اس کو میں |
| عمر بھر یاد کرتا رہا جوگیا |
| کب تلک خود سے یونہی خفا بیٹھے گا |
| کوئی ہے منتظر لوٹ آ جوگیا |
| کون سمجھے گا دل کا فسانہ یہاں |
| رہنے دے ان کہا ان سنا جوگیا |
| دیکھ تو گھر میں بھی اب بہار آئی ہے |
| اپنے اندر سے تو باہر آ جوگیا |
| آج پھر اس گلی جانے کی ضد نہ کر |
| حشر ہے برپا کوئے جفا جوگیا |
| خود سے ہارا ہوا اک مسافر ہے تُو |
| کیا ہی منزل ہے، کیا راستہ جوگیا |
| یہ مدینے کے اس کوچے کی خاک ہے |
| اور مل تن کو خاکِ شفا جوگیا |
| کل تلک تو تھے وردِ زباں یہ کہو |
| پھر ہوئے کیاوہ بابِ دعا جوگیا |
| جو ہوا وہ تو ہونا ہی تھا ایک دن |
| کب تلک خود کو دے گا سزا جوگیا |
| دل کے صحرا میں پھر گونجتی ہے صدا |
| کب کوئی آئے گا ہم نوا جوگیا |
| کتنی باتیں تھیں جو تجھ پہ لازم تھیں پر |
| تو نہیں بولا اک لفظ، ہا جوگیا |
| سب تعلق اگرچہ ہیں لمحے کے بس |
| پھر یہ کیوں کر ہوئی انتہا جوگیا |
| یاد کی لَو میں جلتا رہا عمر بھر |
| کیا یہ لازم تھا مرنا سدا جوگیا |
| جس مہک کو میں سوچوں میں ڈھونڈا کروں |
| وہ مہک بن گئی فاصلہ جوگیا |
| وہ جو پاگل سا شاعر تھا اک شہریار |
| اس کی ہے کچھ خبر کچھ پتا جوگیا؟ |
معلومات