| غزل |
| جھنجٹ وصال کا ہو نہ یہ انتظار ہو |
| مر جاؤں ناں خوشی سے اگر اعتبار ہو |
| دل کے عوض سمیٹ لیا، درد بے کراں |
| کرتا نہیں خسارہ کوئی کاروبار ہو |
| کھلتے ہیں شاخِ فکر پہ خوش رنگ صد ثمن |
| جب شہرِ دل کی آب و ہوا خوشگوار ہو |
| بن کر لباس ڈھانپ لیا ہے برہنہ تن |
| تم ہی مری رفیق، مرا افتخار ہو |
| خود ہی جڑیں اُکھاڑ دیں اپنی زمین سے |
| اَب تو وہی ہے دیس، جہاں روزگار ہو |
| ہر دکھ یہی تو سوچ کے سہتا ہے آدمی |
| شاید یہ مصلحت تری پروردگار ہو |
| قربان بے بسی پہ کہ بندہ ہوں میں خدا |
| فرعون بن نہ جاؤں اگر اختیار ہو |
| چَھٹ جائے پل میں شوق سے سجدہ شہاب کر |
| سَر میں بھلے گھمنڈ کا جتنا غبار ہو |
| شہاب احمد |
| ۱۰ جون ۲۰۱۸ |
معلومات