| سوہنے دے مدینے میں وی جانا رب سوہنیا |
| روضے دا نظارہ میں وی پانا رب سوہنیا |
| دتی اے جے اکھاں دی توں ربا مینوں نعمت |
| نبی دا وکھا دے روضہ کر دے اے رحمت |
| مڑ مڑ طیبہ میں تے جانا رب سوہنیا |
| روضے دا نظارہ میں وی پانا رب سوہنیا |
| آقا تیرے روضے دیاں شاناں نیں نرالیاں |
| دل میرا کر دا اے چماں جا کے جالیاں |
| پینڈا اے جدائیاں دا، مکانا رب سوہنیا |
| روضے دا نظارہ میں وی پانا رب سوہنیا |
| اوتھے جا کے مر جاواں منگا اے دعاواں میں |
| سینے لا کے روواں جالی مڑ کے ناں آواں میں |
| میرا اوتھے بن جائے ٹھکانا رب سوہنیا |
| روضے دا نظارہ میں وی پانا رب سوہنیا |
| مینوں تے مقدراں تے فیض بڑا مان ایں |
| آقا دے غلاماں دی تے بڑی اچی شان ایں |
| شاناں توں یوں دینا تے ودھانا رب سوہنیا |
| روضے دا نظارہ میں وی پانا رب سوہنیا |
معلومات