| روگ بیٹھا ہے جب سے پال کوئی |
| پوچھتا کب ہے اس کا حال کوئی |
| وہ جو طیّب بھی ہو حلال بھی ہو |
| یوں ہی ملتا نہیں ہے مال کوئی |
| جس کو مطلب نہ ہو کوئی تم سے |
| کون کرتا ہے دیکھ بھال کوئی |
| پیار یوں تو ہوا نہیں کرتا |
| اس سے کم ہی ہوا نہال کوئی |
| سادہ دل تم پہ جاں لُٹا بیٹھا |
| تم سمجھتے ہو اس کی چال کوئی |
| حکمراں کر دیا گیا رخصت |
| اور پھر سے ہوا بحال کوئی |
| مچھلیاں اور ہاتھ آ جائیں |
| پھینک دیتا ہے پھر سے جال کوئی |
| آخری بار یہ کرشمہ ہے |
| پھر تو ہو گا نہ یوں کمال کوئی |
| آزمائیں گے کیا اسے طارق |
| اس سا ہر گز نہیں جمال کوئی |
معلومات