| آقائے دو جہاں ہیں محمدﷺ پیام بر |
| رشکِ پیمبراں ہیں محمدﷺ پیام بر |
| حاصل ہے جاہ و شانِ بزرگی حضورؐ کو |
| غزوات کے جواں ہیں محمدﷺ پیام بر |
| ہیں پیشوائے اہلِ خرد خاتم الرسلؐ |
| استاذِ عاقلاں ہیں محمدﷺ پیام بر |
| منظور حق تعالیٰ کو ہے آپؐ کی رضا |
| معراجِ آسماں ہیں محمدﷺ پیام بر |
| مکّہ حضورؐ کا ہے، مدینہ حضورؐ کا |
| سردار یاں وہاں ہیں محمدﷺ پیام بر |
| نورِ ہدایت آپؐ کا ہے کائنات میں |
| کُل جگ کے مہرباں ہیں محمدﷺ پیام بر |
| تنہاؔ! ثنائے شافعِ محشر کریں نہ کیوں |
| امّیدِ عاصیاں ہیں محمدﷺ پیام بر |
معلومات