| احمدﷺ کا دل و جان نگہبان علیؑ ہے |
| خالق نے کہا بولتا قرآن علیؑ ہے |
| عیسیٰؑ کا بھی موسیٰؑ کا بھی ارمان علیؑ ہے |
| نبیوںؑ کے بھی ہر درد کا درمان علیؑ ہے |
| دیتا ہے مزہ عشقِ ولا عشقِ خدا کا |
| ہر ایک حلالی کی یہ پہچان علیؑ ہے |
| کہتی ہیں سرِ دشت بھی یہ دھڑکنیں میری |
| کیا خوف بھلا ہے تجھے سلطان علیؑ ہے |
| کرتا ہے وضو خون سے کہتا ہے یہی دل |
| سر شار ہوا جاتا ہوں مہمان علیؑ ہے |
| معراج پہ وہ کون تھا اور کون تھا بولا |
| لہجہ یہ بتاتا ہے کہ ہر آن علیؑ ہے |
| ملتا ہے خدا کہتے ہیں یہ ڈھونڈنے سے لوگ |
| ولیوں سے سُنا ہے کہ وہ رحمان علیؑ ہے |
| صائب کو عطاء کر دیا لفظوں کا خزانہ |
| اور لفظوں پہ لکھا ہے کہ ایمان علیؑ ہے۔ |
معلومات