| جہان میرا |
| جو خاک و خوں ہے |
| اسی ترنم کا یہ فسوں ہے |
| کہ جس ترنم |
| نے مار ڈالا |
| ہے نسلوں تک کو |
| اجاڑ ڈالا |
| ہماری بے رِہ روی کو یارو |
| کسی کی شاموں |
| سحر کو یارو |
| عذابِ جاں میں دھکیل کر تم |
| یہاں پہ خوشیاں |
| منا رہے ہو |
| سبھی کا حق تھا |
| محبتوں پر |
| سبھی کے حق میں |
| بہار آتی |
| کبھی بھی در پر |
| جو دیپ جلتے |
| نہ پھر کسی کے |
| نصیب جلتے |
| ابھی بھی رُت ہے |
| پلٹ کے جاؤ |
| ابھی بھی رُت ہے |
| بہار دل میں |
| ابھی تو موسم میں تازگی ہے |
| ابھی تو شاخوں |
| پہ چار پتے |
| خزاں کو روکے کھڑے ہوئے ہیں |
| ابھی تو موسم |
| ہرے ہوۓ ہیں |
| زرا سی دیری جو کر گۓ تو |
| کسی کی آنکھوں کے |
| خواب سارے |
| اجڑتی پلکوں میں |
| مر گۓ تو |
| کسی کے دل کی جوان گلیاں |
| جو بند خانوں میں |
| ڈھل گئیں تو |
| تو کون اس کا |
| حساب دے گا |
| کبھی جو بیٹھو تو سوچنا پھر |
| محبتوں کے |
| حصار میں پھر |
| ہے کون کتنا |
| امر ہوا تو |
| زمین کس کو نگل گئ ہے |
| تو دیکھ لینا |
| یہی کہے گا |
| تمہارا دل ہی جواب دے گا |
| تمہارے ہاتھوں |
| اجڑ چکی ہے |
| وہ ایک لڑکی |
| جو مر چکی ہے |
| وہ ایک لڑکی جو مر چکی ہے |
| م-اختر |
معلومات