| وفا کے شہر میں سردار ہیں ہم |
| محبت کا کھلا اظہار ہیں ہم |
| لکھا ہے جس میں قصہ بے خودی کا |
| اسی افسانے کا کردار ہیں ہم |
| یہ کیسی رات ہے بیدار ہیں ہم |
| تری یادوں کے پہرے دار ہیں ہم |
| ڈبو سکتا نہیں طوفاں ہمیں اب |
| خودی کے صاحبِ کردار ہیں ہم |
| نہیں حاجت ہمیں مے کی، اے ساقی |
| تری آنکھوں کے ہی مے خوار ہیں ہم |
| نگاہِ یار نے بخشی جو مستی |
| اسی لمحے میں اب سرشار ہیں ہم |
| ہوا کے ساتھ کیوں ڈر کر چلیں ہم |
| چراغوں کی طرح خود دار ہیں ہم |
| دلِ مضطر کو ہے تجھ سے ہی راحت |
| تری خوشبو کے اک اسرار ہیں ہم |
| تری نظروں نے وہ جادو کیا، اخترؔ |
| اسی کے حسن کے بیمار ہیں ہم |
معلومات