| اداس سب ہمیں سرو و سمن نظر آئے |
| خزاں میں پیڑ برہنہ بدن نظر آئے |
| کسی کی یاد میں کھوئے تو پھر کہیں ہم کو |
| نہ رنگ و بُو سے شناسا چمن نظر آئے |
| کنول سفید جو دیکھے تھے جھیل میں ہم نے |
| ہمیں وہ پہنے ہوئے کیوں کفن نظر آئے |
| ہماری آنکھوں میں جب آنسوؤں کا ڈیرہ ہو |
| تو پھر چناب نہ گنگ و جمن نظر آئے |
| ہوا جو تلخ حقائق کا سامنا ہم کو |
| تو خواب جیسے نشہ ہو ہرن نظر آئے |
| مزاج بدلا چمن کا بھی گر تو کیا ہو گا |
| ہمیں بدلتا ہوا جب گگن نظر آئے |
| حسد سے دیکھ نہ پائے کوئی کسی کو خوش |
| ہر ایک بات میں ہم کو جلن نظر آئے |
| تلاش کر کے جو دیکھا تو کم ملا کوئی |
| ملن کی آرزو میں جو مگن نظر آئے |
| نگاہ ڈالتے ہیں شک کی ہر کسی پر لوگ |
| ہمیں تو کم ہی یہاں حُسنِ ظن نظر آئے |
| یقین ہی نہیں رکھتا جو وصل کا طارق |
| تو اس کا ہوتا ہوا کب مِلن نظر آئے |
معلومات