| اس نو بہارِ ناز کی مجھ کو تلاش ہے |
| جس کا جمال رشکِ مہ و آفتاب ہے |
| جس کی ادا و ناز و ستم لاجواب ہے |
| جس کا ہر اک نگاہِ تمنا میں خواب ہے |
| جس کی طلب میں مضطر و مفتوں شباب ہے |
| جس کا وجود نغمۂ ہستی کا ساز ہے |
| جس کے حضور ساری حقیقت مجاز ہے |
| جس کی جبین فتنہ گر و فتنہ ساز ہے |
| جس پر اے ماہتاب شبِ غم کو ناز ہے |
| اس نو بہارِ ناز کی مجھ کو تلاش ہے |
| وہ جس کا چہرہ ہر گھڑی آنکھوں کے پاس ہے |
| وہ جس کی عمرِ شوق کو ہر لمحہ پیاس ہے |
| وہ جس کی اک نگاہ کی برسوں سے آس ہے |
| وہ جس کے غم میں دوست ! طبیعت اداس ہے |
| وہ جس کے ہجر میں میں تڑپتا ہوں آج کل |
| وہ جس کے وصل کو میں ترستا ہوں آج کل |
| وہ جس کی آس میں میں نکھرتا ہوں آج کل |
| وہ جس کی یاس میں میں بکھرتا ہوں آج کل |
| رازِ حیات جس کی محبت میں فاش ہے |
| اس نو بہارِ ناز کی مجھ کو تلاش ہے |
معلومات