| تصویرِ یار یوں مرے دل میں رہا کرے |
| انگشتری میں جیسے نگینہ جڑا کرے |
| جس عاشقِ جاں باز کی جاں ہو عذاب میں |
| وہ کوئے یار جا کے اذانیں دیا کرے |
| روشن کرو تو عالمِ تیرہ کو اس طرح |
| جیسے ردائے صبح کو روشن ضیا کرے |
| پوری نہ ہو سکے جو دعا وہ خدا کرے |
| جا کر کسی رقیب کے دل میں رہا کرے |
| اُن کی گلی میں جا کے کرو ایسے التجا |
| جیسے کسی دیار میں کوئی گدا کرے |
| جو ہاتھ تھک گئے ہوں دعا مانگ مانگ کر |
| اب تک ہوں نا قبول تو وہ اور کیا کرے |
| ہے عالمِ نزع میں کہا جب کسی نے تو |
| کہنے لگے مَیں کیا کروں بے شک مرا کرے |
| غربت زمین چیر کے پاتال تک گئی |
| اس کو وہی نکالے جو پاتال جا کرے |
| شاعر ہمیشہ غربتوں میں ہی پلے بڑھے |
| ان کو شکم بغیر ہی پیدا خدا کرے |
| امید چھوڑو قِصۂ غم مختصر کرو |
| کس کو پڑی ہے تم کہو اور وہ سنا کرے |
معلومات