| یوں تو مٹی ہوں کسی رنگ میں ڈھل جاؤں گا |
| تیز گر دھوپ لگے گی تو میں جل جاؤں گا |
| آندھیاں مجھ کو سفر کرنے سے کیا روکیں گی |
| لڑکھڑاؤں گا کہیں گر تو سنبھل جاؤں گا |
| وہ تو کہتا تھا ملاقات اگر ہو اُس سے |
| برف پر چل کے بھی میں گھٹنوں کے بل جاؤں گا |
| کوئی رسماً بھی بُلائے تو چلا جاتا ہوں |
| وہ بلائے تو کہے کون کہ کل جاؤں گا |
| کھوٹا سکّہ ہوں اگرچہ یہ خبر رکھتا ہوں |
| اس کے ہاتھوں میں جو آؤں گا تو چل جاؤں گا |
| طارق ؔ اس دولتِ دنیا کا بھروسہ کیا ہے |
| کیا مگر اس کی محبّت سے میں ٹل جاؤں گا |
معلومات