| اے زائرو انہیں میرا سلام کہنا |
| شہا کی چوم کے چوکھٹ پیام کہنا |
| ادب سے ان کو سنانا مری یہ عرضی |
| بے چین آنے کو در پہ غلام کہنا |
| ترا ہی ذکر ہے اس کے لبوں پہ آقا |
| وہ یاد کرتا تمہیں صبح شام کہنا |
| بنے مدینے میں عاجز کا یا نبی گھر |
| ہو جائے ایسا شہا انتظام کہنا |
| گناہ گار پہ گر تیری اک نظر ہو |
| بنیں گدا کے سبھی بگڑے کام کہنا |
| سگانِ کو چہء جاناں میں سے ہے اک سگ |
| کرم ہو اس پہ ،لے کر میرا نام کہنا |
| حیاتی ساری کرے تیری نوکری وہ |
| پئے وہ موت کا تیرے در پہ جام کہنا |
| یہ آرزو دلِ عاجز کی عرصے سے ہے |
| دو شرفِ دید اسے فی المنام کہنا |
معلومات