| اظہارِ عشق دل لگی کو کیا نہ کیجئے |
| پاگل ہیں آپ حسن پہ مچلا نہ کیجئے |
| معصوم جذبوں کا لہو گھبرا کے بہہ گیا |
| خنجر کی آنکھ سے ہمیں دیکھا نہ کیجئے |
| بازارِ حسنِ مصر میں یوسف کو بیچ کر |
| یعقوب کی نگاہوں کا سودا نہ کیجئے |
| تلخئ جاں پہ استوا ہے ممبرِ ستم |
| سریام میرے عشق کا چرچا نہ کیجئے |
| ہر سو نفس ہے شہرِ ہوس گیر میں بہت |
| بندِ قبا کے بھید کو کھولا نہ کیجئے |
| پُر خواہشوں کے جوش میں ہے دیدہ تر نگاہ |
| بن کے لہو کا جذبہ یوں برسا نہ کیجئے |
| ہم پر اگر ہے آپ کی یہ پہرہ داری تو |
| پھر جانبِ رقیب تو چہرہ نہ کیجئے |
| ایسی روش کہ جس پہ تمنا ہو شرم سار |
| اس راہِ خستہ خار پہ بیٹھا نہ کیجئے |
| لٹ جائیں جس سفر میں محبت کے تعزیے |
| ان حسرتوں پہ ٹوٹ کے گریہ نہ کیجئے |
| جذبوں کو نوچ لیتی ہے فریادِ دلبری |
| یہ مے کشی کہ ہوش میں پروا نہ کیجئے |
| عمرِ رواں پہ رقص ہے ساگر اگر غزل |
| پھر قافیے بدل کے یہ دھوکہ نہ کیجئے |
معلومات