تیرے آنسو بے معنی ہیں یہ تیرا رونا کیا رونا ہے
اُس کا دل ہے پتھر جیسا اِس سے اُس کو کیا ہونا ہے
جس نے تیری سانسیں لے کر تیرا جیون رول دیا ہے
اس کی خاطر تیرا رونا اپنے دیدے کو کھونا ہے
خوش ہے اپنی دنیا میں وہ تجھ سے اُس کو کیا لینا اب
تیری قسمت میں ہیں آنسو تیری قسمت میں رونا ہے
تجھ کو ساری خوشیاں دیں گے ہم نے اب یہ ٹھان لیا ہے
تیرے آنچل کا غم لے کر اپنے دامن میں بونا ہے
کوئی نہیں ہے اپنا ساغر کس سے جا فریاد کریں ہم
اپنے اشکوں سے ہی اب تو اپنے دامن کو دھونا ہے

0
50