| ملی ہم کو جو پستی کم نہیں ہے |
| رہا خواری پہ بھی ماتم نہیں ہے |
| شکستہ دل ہے میداں میں بظاہر |
| "مگر یہ سر ابھی تک خم نہیں ہے" |
| مداوا زخم کا ممکن ہو کیسے |
| اثر انگیز جب مرہم نہیں ہے |
| کٹھن ہیں چند لمحے ہجر کے تب |
| وصال یار کا موسم نہیں ہے |
| عبث ہے دعوۂ ایثار و الفت |
| دلوں میں پنپا گر سنگم نہیں ہے |
| ادھورے خواب رہ جائیں گے سارے |
| جتائی کوشش پیہم نہیں ہے |
| بر آ جائے تمنا دل کی ناصؔر |
| کہ چشم اپنی ذرا پرنم نہیں ہے |
معلومات