| دل کی دھڑکن تیز ہوئی ہے یاد نبی کی آئی ہے |
| ہلچل ہلچل دل میں مچی ہے یاد نبی کی آئی ہے |
| نور نبی کی بات بتاؤں آؤ آؤ نعت سناؤں |
| محفل نعتِ پاک سجی ہے یاد نبی کی آئی ہے |
| عشق نبی کا دل میں بسا دنیا کی الفت سے بچا |
| دنیا پل دو پل کی گھڑی ہے یاد نبی کی آئی ہے |
| فرقتِ طیبہ مجھ کو ستائے یاد مدینہ ہر دم آئے |
| غم سے آنکھیں آج بھری ہے یاد نبی کی آئی ہے |
| یاد نبی کی جب جب آئے نعت نبی کی بن بن جاۓ |
| لفظوں میں خوشبو مہکی ہے یاد نبی کی آئی ہے |
| دل میں حدائق بخشش لے کر کوئی بحر اٹھاؤ لب پر |
| گل یہ اچھی سخنوری ہے یاد نبی کی آئی ہے |
معلومات