| غنچہِ دل کھلا میرے اختر رضا |
| میرے دل میں سما میرے اختر رضا |
| جان ہے آپ کی ہے یہ تن بھی ترا |
| خوب اس کو جلا میرے اختر رضا |
| آس ہے دید کی پیاس ہے دید کی |
| اب تو اس کو بجھا میرے اختررضا |
| فضل رب ہے مجھے تیرا دامن ملا |
| سایہ ہو یہ سدا میرے اختر رضا |
| میرے کردار پر میرے افعال پر |
| چھاپ اپنی لگا میرے اختر رضا |
| سارے سنسار میں تو ہی اپنا لگا |
| اے بریلی کے شاہ میرے اختر رضا |
| فضل و جود و کرم علم و عرفان میں |
| تیرا چرچا سنا میرے اختر رضا |
| اہل سنت کی آنکھوں کا تارا ہے تو |
| ہے تو سب کی ردا میرے اختر رضا |
| تا ابد اے خدا یوں مہکتا رہے |
| گلستانِ رضا میرے اختر رضا |
| نائبِ غوث اعظم ہیں ذیشان یہ |
| اخترِ قادری میرے اختر رضا |
معلومات