بہت مشکل میں ہے بندہ الٰہی رحم فرما دے |
غموں کا سر پہ ہے پہرہ الٰہی رحم فرما دے |
مِرے احوال پژمردہ گناہوں پر ہوں شرمندہ |
جھکا ہے شرم سے چہرہ الٰہی رحم فرما دے |
تِرے در کے سِوا میرا نہ ماویٰ نا کوئی ملجا |
مِرے حالات ہیں خستہ الٰہی رحم فرما دے |
خباثت ہے مِری لت میں شرارت میری خصلت میں |
شعورِ حمد نا سجدہ الٰہی رحم فرما دے |
مِرے اعمال ابتر ہیں تِرے اپکار برتر ہیں |
عطا کر لطف کا قطرہ الٰہی رحم فرما دے |
میں عاجز ناتواں بندہ تو قادر خلق کا مولیٰ |
یہی ہے مختصر قصہ الہی رحم فرما دے |
تصدق پر کرم کردے تہی دامن کو اب بھردے |
نبی کی آل کا صدقہ الٰہی رحم فرما دے |
معلومات