| میں لوگوں کی عقیدت میں خطائیں چھوڑ دیتا ہوں |
| وفائیں یاد رکھتا ہوں جفائیں چھوڑ دیتا ہوں |
| یاں لوگوں سے کرو نفرت مرے اپنے یہ کہتے ہیں |
| میں ان کی نفرتوں والی صدائیں چھوڑ دیتا ہوں |
| میں یونہی بیٹھتا ہوں ساتھ میں اکثر فقیروں کے |
| بہت سادہ سا بندہ ہوں انائیں چھوڑ دیتا ہوں |
| کھلے رکھتا ہوں دروازے ہمیشہ دل کے میں اپنے |
| میں واپس آنے والوں کی خطائیں چھوڑ دیتا ہوں |
| نہیں ہوں نفس کے تابع کوئی جاکر انہیں کہہ دیں |
| میں اپنے نفس کی ساری بلائیں چھوڑ دیتا ہوں |
معلومات