| یہ زخمِ دل نہیں بھرتے کبھی بتانے سے |
| چھپا چھپا کے رکھو رازِ دل زمانے سے |
| کروں گا ذکر نہ تیرا کبھی زمانے سے |
| کہوں گا زخم ملے مجھ کو اک فلانے سے |
| چھپانا آہی گیا ہم کو دردِ دل آخر |
| کہ لب پہ آتی ہے مسکان دکھ سنانے سے |
| تم اشک آنکھ سے اپنے نہ گرنے دینا کبھی |
| کبھی ہوا ہے اثر خود کو یوں رلانے سے |
| بدل کے یار بھی تیرا کہاں بدلتا ہے |
| ”فریب“ فطرتِ یاراں ہے اک زمانے سے |
| غزل کہوں تو قلم سے لہو ٹپکتا ہے |
| جنازہ دل کا نکلتا ہے غم چھپانے سے |
| کھلونے مٹی کے تھے، چاند میں تھی اک بڑھیا |
| گزر گئے ہیں وہ بچپن کے دن سہانے سے |
| سبھی کے اپنے مسائل بھی ہوتے ہیں احسنؔ |
| گریز کیجیے یاروں کو آزمانے سے |
معلومات