| اُس کی جانب قدم میں بڑھانے لگا |
| رفتہ رفتہ مرا دل ٹھکانے لگا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| اک نئی روشنی کی تمنا لئے |
| خواب آنکھوں میں اِک جِھلملانے لگا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| پھول خوشیوں کے کھلنے لگے باغ میں |
| شرم سے جب وہ نظریں جھکانے لگا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| بے خبر کیا ہوئے ہم زمانے سے دوست |
| انگلیوں پر زمانہ نچانے لگا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| میری باتوں سے وہ کچھ بھڑک سا گیا |
| تیر جا کے ہے سیدھا نشانے لگا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| خون کے داغ تھے اُس کے دامن پہ کچھ |
| مجھ سے چہرہ وہ اپنا چھپانے لگا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| فیصلہ کر دیا دور رہنے کا پھر |
| خود بھی جلنے لگا اور جلانے لگا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| دشمنی کا مزہ اب نہیں آئے گا |
| راستے میں عدو لڑکھڑانے لگا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| رنج و غم میں تڑپتا اسے دیکھ کر |
| آسماں بھی ہے انسو بہانے لگا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| میری آنکھوں میں آنکھیں نہیں ڈالتا |
| میری آنکھوں سے کیا وہ چھپانے لگا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| زندگی کا سفر یوں رہا گامزن |
| کوئی آنے لگا کوئی جانے لگا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| آج کا کام سارا ہوا خیر سے |
| آج کا دن یوں مانی ٹھکانے لگا |
معلومات