| یہ جنگل لکڑیاں رکھتا نہیں ہے |
| کہ گاؤں لڑکیاں رکھتا نہیں ہے |
| دھواں ہم نے زمینوں میں اگایا |
| چمن اب تتلیاں رکھتا نہیں ہے |
| پیاسا دشت جھانکے نا کہیں سے |
| سمندر کھڑکیاں رکھتا نہیں ہے |
| فسوں پر ابجدوں کے آنکڑے کیا |
| جنوں سود و زیاں رکھتا نہیں ہے |
| جو سی لیتا ہے میری بے لباسی |
| وہ درزی سوئیاں رکھتا نہیں ہے |
| یہاں ہم بات کس کے ساتھ کرلیں |
| یہ دریا مچھلیاں رکھتا نہیں ہے |
| ملنگِ دشتِ لا کوئی ہے شیؔدا |
| بدن پر وردیاں رکھتا نہیں ہے |
| علی شیدؔا ۔۔۔۔۔۔۔۔ |
معلومات