| آغاز کی ہیں ابتدا صلے علٰی صلے علٰی |
| یعنی وہ حسنِ ما سوا دلدارِ حق سلطانِ ما |
| جن کے ورودِ پاک سے یثرب مدینہ بن گیا |
| اونچا ہے درجہ آپ کا آتا ہے جو بعد از خدا |
| جونور سے معمور تر ہے گلشنِ بطحا بنا |
| اس آمدِ سرکار نے ویرانہ جنت کر دیا |
| درماں دکھوں کا بن گئی ہے خاک نالِ پاک سے |
| اک چارہ گر جو مل گیا آلام کا ہے خاتمہ |
| ہے رحمتوں کے گھیرے میں دونوں جہاں کا ہر کراں |
| لرزاں ہیں اس سے ظلمتیں انوار کا چرچا ہوا |
| آلِ نبی کی شان سے روشن زماں ہیں دہر کے |
| کربل میں ریگِ زار کو رنگین جس نے کر دیا |
| محمود ریزہ خاک کا کیسے کرے اُن کی ثنا |
| مولا قرینہ ہو عطا صدقہ نبی کی آل کا |
معلومات