| اک طرف ہے ذبیحِ یزداں تو |
| اک طرف آقا کے نواسے ہیں |
| اک طرف خوف ہے محبت ہے |
| اک طرف عشق کے خلاصے ہیں |
| اک طرف معجزے خدا کے ہیں |
| اک طرف سجدے بھی نرالے ہیں |
| اک طرف زمزموں کے سیر ہوئے |
| اک طرف کربلا کے پیاسے ہیں |
| اک طرف شکر ہے کہ جان بچی |
| اک طرف شکر سر قبول ہوا |
| اک طرف باپ کی محبت ہے |
| اک طرف باپ ہی محبت ہے |
| اک طرف روشنی کی باتیں ہیں |
| اک طرف شام کے اندھیرے ہیں |
| اک طرف جان پیش کر دی گئی |
| اک طرف خانوادہ بھی ہے دیا |
| اک طرف ایک کعبہ قائم ہے |
| اک طرف کعبے کا بنا کعبہ |
| اک طرف دریائے خلیل اللہ |
| اک طرف ابنِ حیدر و کوثر |
| اک طرف دیکھ کر جھکی آنکھیں |
| اک طرف جھک گیا دلِ مضطر |
| مصطفیٰ، آپ کے نواسوں نے |
| دے دیا لا الہ الا اللہ |
معلومات