| دہر میں جو عاشقِ خیر الوری ہو جاۓ گا |
| خلد میں اس کا سمجھئے داخلہ ہو جا ۓ گا |
| دل سے تو سرکار عالم کا گدا بن کر تو دیکھ |
| شاہ سے بھی بڑھ کے تیرا مرتبہ ہو جا ۓ گا |
| مصطفی بس مصطفی بس مصطفی کرتے رہو |
| حل تمہاری زندگی کا مسئلہ ہو جا ۓ گا |
| سنیوں آ ؤ کسی دن کھل کے تم میدان میں |
| کون حق پر ہے اسی دن فیصلہ ہو جا ۓ گا |
| جس کو پہلا کلمہ بھی آتا نہیں ہو ٹھیک سے |
| وہ بھلا کیسے ہمارا رہنما ہو جا ۓ گا |
| ظالموں حد سے بڑھو مت ظلم کرنا چھوڑدو |
| ہم اگر لڑنے پے آۓ کیا سے کیا ہو جا ۓ گا |
| ذکر اللہ اور رسول اللہ کا کرتے رہو |
| تو خدا کا ہو گا اور تیرا خدا ہو جا ۓ گا |
| عاشقِ آقا ہو یونسؔ مت ڈرو تم حشر سے |
| حشر میں تیرا محافظ مصطفے ہو جا ۓ گا |
معلومات