| ( بزم یاران سخن اور بزم کامرانی کو خراج تحسین ) |
| جگرا ہے بزمِ یاراں سجاتے ہیں بزم کار |
| جگرے کے ساتھ دھن بھی لگاتے ہیں بزم کار |
| بزمِ مشاعرہ کو سجانا نہیں مذاق |
| کرتب ہزار طرح دکھاتے ہیں بزم کار |
| دمام ہو یا شہرِ خبر یا ہو پھر جبیل |
| شمعیں مشاعروں کی جلاتے ہیں بزم کار |
| رکھتے ہیں سامعين کی تفریح کا خیال |
| پردیسیوں کے دل کو لبھاتے ہیں بزم کار |
| ترویجِ علم و فن میں یہ رہتے ہیں مستعد |
| چُن چُن کے اہلِ فن کو بلاتے ہیں بزم کار |
| سب بزم کار لائقِ تحسین ہیں سحاب |
| اردو زباں کی شان بڑھاتے ہیں بزم کار |
معلومات