| گو فرشتہ نہیں ہوں میں عاجز بشر |
| میری پرواز روکیں نہ دیوار و در |
| روک لوں میں قدم کیا یہی سوچ کر |
| دُور منزل ہے اور راستہ پُر خطر |
| میں تری رہنمائی میں چلتا رہا |
| تیری جانب ہوا ہے جو اب تک سفر |
| چھوڑ دے تُو اگر جاؤں گا میں کہاں |
| ٹھوکریں کھاؤں گا میں کہیں در بدر |
| چاہتا ہوں کہ آؤں بڑے شوق سے |
| تُو بُلائے اگر مجھ کو پھر اپنے گھر |
| میری ساری تمنّائیں پوری ہوئیں |
| کون سی تھی دعا جو رہی بے ثمر |
| فضل سے تُو نے اپنے عطا کر دئیے |
| ہر قدم ہر گھڑی متقی راہبر |
| مومنوں کو خلافت عنایت ہوئی |
| اس کے سائے میں بیٹھے ہے یہ وہ شجر |
| ہے سراسر خلافت کی برکت ہی یہ |
| کارواں ہے رواں تیری جانب اگر |
| تیری پوری ہوں طارق مرادیں سبھی |
| سامنے بس خُدا کے جُھکا اپنا سر |
معلومات