| سماعتوں کو خموشی سے بے قرار نا کر |
| میں آج خوش ہوں مجھے آج سوگوار نا کر |
| تجلیات کی فصلوں کا باغباں ہے تو |
| بیانِ خلق پہ ، اتنا بھی اعتبار نا کر |
| نہیں پسند تو رہنے دے، کوئی بات نہیں |
| تو اس طرح سے میرا ، ذکرِ ناگوار نا کر |
| ترے خرام سے بادِ صبا میں خوشبو ہے |
| متاعِ درد سے دامن کو ، ہم کنار نا کر |
| تڑپتا چھوڑ کے جائے گا اس طرح مجھ کو |
| تو میری چاہ کو اتنا بھی ، ریگِ زار نا کر |
| تمہارے نینوں سے فطرت کو استعارے ملے |
| اِن آسمانی صحیفوں کو ، تار تار نا کر |
| اٹھا یہ اپنا ترازو ، یہاں سے چلتا بن |
| یہ پیار سودا نہیں ہے تُو کاروبار نا کر |
| ہزاروں درد ملیں سینے سے لگا ان کو |
| یہ سنگِ میل ہیں یاسر انہیں شمار نا کر |
معلومات