جانیں جو اس کا حسن رہیں گے طواف میں |
قرآں کو طاق پر نہ رکھیں بس غِلاف میں |
ہر بات اس میں درج خدا کی کہی ہوئی |
نازل ہوئی رسول یہ آیات صاف میں |
انسان کے لئے یہ ضروری بہت تھا علم |
بھیجا گیا اسی لئے دنیا کی ناف میں |
کرتے رہیں دعائیں کہ علم اس کا ہو نصیب |
توفیق گر کبھی ملے اس کی مطاف میں |
ڈھونڈیں کوئی ٹھکانہ ترے گھر کے آس پاس |
ہم کو جگہ ملے اگر اس کے مضاف میں |
تعلیم تیری جان لیں تو اس پہ ہوں فدا |
ہر بات ہی جو کہتے ہیں تیرے خلاف میں |
سورت ہر ایک دوسرے سے بڑھ کے ہے حسیں |
پریاں اترتی لگ رہی ہیں کوہِ قاف میں |
آیات میں ہے فاصلہ ہے سجع گفتگو |
مفرد نہ بحر اس کی مرکّب زحاف میں |
تعلیم پر عمل کرے جو وصل ہو نصیب |
طارق کہاں ملے خدا لاف و گزاف میں |
معلومات