| ساتھ تیرے جو میں سفر میں رہا |
| زندگی بھر میں اک پہر میں رہا |
| ہوش میں تو کبھی رہا ہی نہیں |
| جو رہا میں ترے سِحر میں رہا |
| جب ترے ساتھ آشنا بھی نہ تھا |
| پھر بھی تیرے ہی میں اثر میں رہا |
| ساتھ تیرا اگر رہا نہ مرے |
| میں ہمیشہ اسی ہی ڈر میں رہا |
| شہرتیں بھی تو ہیں عجب سی یہاں |
| میں تو گمنام پر خبر میں رہا |
| سارے اوقات تیرے نام کئے |
| شام میں تُو مری سحر میں رہا |
| میرے لفظوں پہ تیرا پہرہ رہا |
| زیر میں تو مری زبر میں رہا |
| تُو سمایا کہاں کہاں ہے یہاں |
| میری ترتیب اگر مگر میں رہا |
| میں تو اکثر ترے ہی پاس رہا |
| کون کہتا ہے اپنے گھر میں رہا |
| ہے ہمایوں ترا وجود کہاں |
| تُو جو سوچے کدھر کدھر میں رہا |
| ہمایوں |
معلومات