جامۂ عقل و خِرد کی نازبرداری کا عشق |
تیسری دنیا کی بربادی پہ تیّاری کا عشق |
تاخت و تاراج کر کے آدھی دنیا کا سکوں |
اور کچھ مقصد نہیں ہے محض سرداری کا عشق |
لُوٹ کر کمزور قوموں کا عروج و سلطنت |
ان ضعیفوں کی ضعیف المال ناداری کا عشق |
پھر بھی ان محکوم قوموں کا توکّل کفر پر |
اس سے بڑھ کر اور کیا ہے ذِلّت و خواری کا عشق |
لے گئے تثلیث کے فرزند میراثِ خلیل |
مسلماں ملکوں کو دے کر آہ کا زاری کا عشق |
چھوڑ کر قرآن کو سُنتّ رسول اللہ کو |
کر دیا بیمار تجھ کو دے کے بیماری کا عشق |
کر گئی ہے کام اس عیّار کی برگِ حشیش |
نشّۂ عُزلت بھی کیا ہے ضربتِ کاری کا عشق |
کر گیا بے بس مجھےامید عشقِ ناتواں |
اس کو ہی دانا کہا کرتے تھے لاچاری کا عشق |
معلومات