| دامن جنونِ عشق میں یوں چاک ہو گئے |
| حاکم تمام وقت کے سفّاک ہو گئے |
| فرعونِ وقت ہی نہیں اُن کے لوازمات |
| فخر و غرور و کبر سبھی خاک ہو گئے |
| پنچھی وہ جال میں پھنسے دیکھے ہیں بارہا |
| سمجھے تھے جو کہ ہم بڑے چالاک ہو گئے |
| تم نے ہی شرم آنکھ میں رکھی نہیں ذرا |
| اب ہم سے کہہ رہے ہو کہ بے باک ہو گئے |
| حائل کئے تھے درمیاں دریا جو آگ کے |
| دیکھو سمندروں کے ہیں تیراک ہو گئے |
| جب سے گئے ہیں آپ کوئی پوچھتا نہیں |
| کہتے ہوئے یہ آپ ہی نمناک ہو گئے |
| اہلِ خرَد ہیں چپ اُنہیں ہیں عزّتیں عزیز |
| قصّے ہمارے شہر کے غم ناک ہو گئے |
| زلفِ شبِ فراق تھی طارق بہت دراز |
| تھے راستے میں ہر جگہ پیچاک ہو گئے |
معلومات