| میسر ہو مدینہؐ کی خدایا حاضری مجھ کو |
| رہے کچھ گوشئہ دل میں نہ باقی تشنگی مجھ کو |
| حقیقت میں شہنشاہ زماں بھی رہ گئے عاجز |
| "کبھی روضہ ء اقدسؐ کی ملے جو چاکری مجھ کو" |
| یہی ظلمت کدہ ہے داستان عالم فرقت |
| سنہری جالیاںؐ تفویض کر دے روشنی مجھ کو |
| نہ جاہ و منزلت چاہوں، نہ شرف و تمکنت چاہوں |
| حبیبؐ کبریا کی مل سکے جو پیروی مجھ کو |
| تعیش، زیب و زینت سے بھلا کیسے ہو انسیت |
| فقیر مصطفیؐ ہوں چاہئے بس عاشقی مجھ کو |
| امام الانبیاؐ کے صدقے ناصؔر التماسی ہے |
| کمال فن مقدر کر، سکھا دے شاعری مجھ کو |
معلومات