| خیالوں سے ترے دل کو رہا ہونے نہیں دیتا |
| کہانی سے تری خود کو جدا ہونے نہیں دیتا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| یقیں کی آخری حد تک مجھے تم سے محبت ہے |
| خدا سچی محبت کو جدا ہونے نہیں دیتا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| تری یادوں سے نکلے دل تو سوچوں پھر کسی کا مَیں |
| لگن ایسی کہ کوئی بھی خطا ہونے نہیں دیتا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ستمگر اس طرح لپٹا ہوا ہے میرے پہلو سے |
| وہ مجھ سے کوئی بھی وعدہ وفا ہونے نہیں دیتا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| وہ اپنے دل کے زخموں سے الجھتا ہے تری خاطر |
| ترا بیمار ایسا ہے شفا ہونے نہیں دیتا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| چراغوں کے مخالف اس طرح کچھ ہو گیا ہے وہ |
| کسی بھی طور وہ روشن دیا ہونے نہیں دیتا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| زیادہ دیر مانی دور رہ سکتا نہیں اُس سے |
| منا لیتا ہے پہلے ہی خفا ہونے نہیں دیتا |
معلومات