یہ ترا لطف مرے ساقی نواڑش توبہ |
مرے خستہ در و دیوار پہ بارش توبہ |
زخم تازہ ہی ہوئے جاتے ہیں اک اک کر کے |
وہ کرے ہے یوں مرے درد کی پرشش توبہ |
خاک ہی خاک نہ کردے یہ کہیں سارا چمن |
آگ سے آگ بجھانے کی یہ کوشش توبہ |
پہلے ہر لفظ کو اک حکم بتاتے تم ہو |
پھر یہ کہنا کہ مری یہ ہے گزارش توبہ |
بات بنتی ہوئی لمحوں میں بگڑ جاتی ہے |
جانے کس طور وہ کرتے ہیں سفارش توبہ |
دل کی وحشت کو بڑھا دیتی ہے محسن میرے |
زندہ رہنے کی ترے شہر میں خواہش توبہ |
دو گھڑی بھی نہ سکوں سے کہیں رہ پائے معین |
زندگی میں یہ سکوں پانے کی خواہش توبہ |
غلام معین الدین اختر |
معلومات