| لہجے میں کھنک ہے نہ مری لَے میں تب و تاب |
| ہر تار پریشان ہے بیکار ہے مضراب |
| اک عرصہ ہؤا بانجھ ہوئی مادرِ مسلم |
| کیسے کوئی پیدا ہو کہ وہ کوکھ ہے نایاب |
| جس کوکھ نے اجسام کئے خالد و طارق |
| جس رحم نے تخلیق کئے قاسمِ نایاب |
| مَیں بھی ہوں اسی بھیڑ کا اک عُضوِ معطّل |
| گُم جس میں ہؤا کرتے ہیں سب خاور و ماہتاب |
| بھنبھوڑ رہے ہیں ترے صدّیق کی دختر |
| بِکتی ہے سرِ عام صحابہ کی تب و تاب |
| ہے مجھ کو یقیں عافیہ آئی ہے یقیناً |
| ہر دل ہے لہو رنگ تو ہر آنکھ ہے خوں ناب |
| وہ دیکھ تری بہن ترے در پہ کھڑی ہے |
| ڈھونڈو تو کہاں مر گئے سب منبر و محراب |
| دیکھو تو ذرا کون ہے دروازے سے لپٹا |
| یا دُخترِ صِدّیق ہے یا بِنّتِ خطّاب |
| فریاد ہے فریاد ہے فریاد الہٰی |
| کیا تجھ کو گوارا ہے مسلماں کی تباہی |
| (ایک تقریب میں پڑھی گئی) |
معلومات