| میں ناز دل کے اب اور کب تک اٹھا سکوں گا |
| کہ چاند تارے تو اِس کی خاطر نہ لا سکوں گا |
| دو چار چھ شعر بے رخی پہ ہی لکھ دوں گا بس! |
| وہ جانتا ہے کہ ظلم اتنا ہی ڈھا سکوں گا |
| تُمہیں بتا دو کہ تم کو پانے کی جستجو میں |
| میں کونسی حد کو پار کر لوں تو پا سکوں گا |
| ہاں تیری محفل میں آ تو جاؤں مگر اے ساقی |
| میں جام پینے کے بعد گھر کو نہ جا سکوں گا |
| یہ شعر جس کے لیے کہے تھے وہ جا چکا ہے |
| وہ آئے گا تو مشاعرہ اک سجا سکوں گا |
| کبھی تو جینے کے واسطے سچ کو چھوڑنا ہے |
| میں آئینہ اس جہاں کو کب تک دکھا سکوں گا |
| مجھے جو ثاقبؔ کے نام سے سب پکارتے ہیں |
| ضرور اک دن میں سب اندھیرے مٹا سکوں گا |
معلومات