| لولاک امرِ کبریا سے تیرے ہیں دونوں سریٰ |
| آفاق کا بھی بُلبلہ، قطرہ ہے تیرے بحر کا |
| یہ جملہ ہستی کا حسن ہے پَرتو تیرے روپ سے |
| نورِ جمالِ دو جہاں اے زینتِ ارض و سما |
| خلقِ خدا ممنون ہے سرکار تیرے فیض کی |
| دارین کے اے دلربا چرچا ہے تیرے دان کا |
| سارا دہر ہی نکتہ ہے تیرے محیطِ پاک میں |
| اے راز دارِ کنتُ کنزاََ اے حبیبِ کبریا |
| گونجیں ہیں تیرے نام کی آفاق میں ڈنکا عُلیٰ |
| مولا نے تیری شان میں کوثر کو تیرا کر دیا |
| اوجِ فلک کی رفعتیں تیرے قدم کو بوسہ دیں |
| اس لا مکاں کے زینے سے نوری ہے پیچھے رہ گیا |
| سمٹیں ہیں تیرے واسطے کونین کی بھی وسعتیں |
| تیرے لئے قصرِ دنیٰ روشن کرے تیرا خدا |
| خیران خردِ دہر ہے چلتا زماں جو تھم گیا |
| کیسے بریں سے جانِ جاں پل بھر میں واپس آ گیا |
| محمود جب ہیں طور پر بے خود کلیمِ حق ہوئے |
| یہ جان کیسے جانے پھر رتبہ خدائی نور کا |
معلومات