| وہ قلم جس کا خلافِ شہِ ابرار اٹھا |
| (مفتیِ شر تھا زمانے سے شرم سار اُٹھا) |
| خونِ عمران ہی کام آیا ہے جب وقت پڑا |
| (دیں کی خاطر نہ کبھی کوئی یارِ غار اُٹھا) |
| کند ہو جائیں گے سب وار تمہارے ظالم |
| تیر و شمشیر اٹھا خنجر و تلوار اٹھا |
| ایسا جکڑا اسے سجّاد نے زنجیروں سے |
| کوئی بیعت کا نہ پھر دیکھو طلب گار اُٹھا |
| میں بھی مولا کی حقیقت کے مناظر دیکھوں |
| آکے سلمان ذرا پردہِ اسرار اٹھا |
| شان زہرا کی بیاں کیا ہو کہ جن کی خاطر |
| مع رسالت کے رسولوں کا وہ سردار اُٹھا |
| یہ مرے اشکِ عزا بک نہیں سکتے ہرگز |
| تخت اور تاج اُٹھا درہم و دینار اٹھا |
| مار ڈالے گی ہمیں پیاس صدا جب یہ سنی |
| رن میں وہ نیزہ بکف شہ کا علمدار اُٹھا |
معلومات